Mareka

²⁷Empa Jesu a mo tshwara ka letsoho, a mo tsosa, mme a ema. ²⁸Yare ha Jesu a kene tlung, barutuwa ba hae ba mmotsa ba nnotshi, ba re: Rona ha re a ka ra tseba keng ho leleka motemona eo? ²⁹A re ho bona: Mofuta oo ha o tswe, haese ka thapelo le ka ho itima dijo. ³⁰Ha ba tloha moo, ba haola Galelea. Jesu o ne a sa rate ha a ka tsejwa ke motho. ³¹Hobane o ne a ruta barutuwa ba hae, a re ho bona: Mora motho o tla neelwa matsohong a batho; ba tla mmolaya, mme hobane a bolawe, o tla tsoha ka tsatsi la boraro. ³²Empa ba se ke ba utlwisisa taba eo, mme ba tshaba ho mmotsa. ³³Ba fihla Kapernauma. Ha ba le tlung, Jesu a ba botsa, a re: Le ne le tsekisana ka dife tseleng?