Mareka

³¹Hobane o ne a ruta barutuwa ba hae, a re ho bona: Mora motho o tla neelwa matsohong a batho; ba tla mmolaya, mme hobane a bolawe, o tla tsoha ka tsatsi la boraro. ³²Empa ba se ke ba utlwisisa taba eo, mme ba tshaba ho mmotsa. ³³Ba fihla Kapernauma. Ha ba le tlung, Jesu a ba botsa, a re: Le ne le tsekisana ka dife tseleng? ³⁴Empa ba kgutsa, hobane tseleng, ba ne ba tsekile hore na e moholo ho bona ke mang. ³⁵Hobane a dule, a bitsa ba leshome le metso e mmedi, a re ho bona: Ha e mong a rata ho ba wa pele, e tla ba ya kamorao ho bohle le mohlanka wa bohle. ³⁶Yaba o nka ngwana, a mmea hara bona, mme ha a mo sikile, a re ho bona: ³⁷E mong le e mong ya amohelang e mong wa bana ba jwalo, ka lebitso la ka, o amohela nna; mme e mong le e mong ya nkamohelang, ha a amohele nna, empa o amohela ya nthomileng.