Mareka

⁶Hobane o ne a sa tsebe seo a se bolelang, etswe ba ne ba tshohile haholo. ⁷Yaba leru le a tla, la ba kgurumetsa, ha ba ha tswa lentswe lerung, la re: Enwa ke Mora wa ka ya ratwang; mo utlweng. ⁸Ba phakisa ba qamaka, empa ba se ke ba hlola ba bona motho e mong ho bona haese Jesu a nnotshi. ⁹Eitse ha ba theoha thabeng, a ba laya hore ba se ke ba bolella motho seo ba se boneng, haese mohla Mora motho a seng a tsohile bafung. ¹⁰Ba boloka polelo eo ka ho bona, ba botsana hore ho tsoha bafung ke ho reng na? ¹¹Yaba ba mmotsa, ba re: Bangodi ba bolela keng hore e ka kgona Elia a tle pele? ¹²A araba, a re ho bona: Efela Elia o tshwanetse ho tla pele, a lokise tsohle; mme ho ngodilwe jwang bakeng sa Mora motho hore e ka kgona a utlwiswe bohloko bo boholo, mme a nyediswe?