Eksoda

¹²Empa matsoho a Moshe a kgathala; yaba ba nka lejwe, ba le bea katlasa hae, a dula hodima lona, mme Aarone le Hure ba tshehetsa matsoho a hae, e mong ka ho le leng, e mong ka ho le leng; matsoho a hae a tiya jwalo ho fihlela letsatsi ha le dikela. ¹³Yaba Joshua o qhala Amaleke le setjhaba sa hae ka bohale ba lerumo. ¹⁴Yaba Jehova o re ho Moshe: Ngola taba ena bukeng, e be kgopotso, o be o e phete ditsebeng tsa Joshua, hoba ruri ke tla timeletsa le ho hopolwa ha Amaleke katlasa lehodimo. ¹⁵Moshe a aha aletare, a e rea lebitso la Jehova-nissi (Jehova ke folaga ya ka). ¹⁶A re: Hobane letsoho la Amaleke le ile la phahamela terone ya Jehova, ntwa ya Jehova e tla nne e be teng ho Amaleke kamehla le mehla.