Eksoda

⁶Bona, ke tla ema pela hao mane lefikeng la Horebe; o tla tea lefika, mme metsi a tla tswa ho lona, sesetjhaba se nwe. Moshe a etsa jwalo pontsheng ya baholo ba Iseraele. ⁷A rea nqalo eo lebitso la Massa le Meriba (teko le tseko) ka baka la tseko ya bana ba Iseraele, le kahobane ba ne ba lekile Jehova, ba re: Hleka Jehova o teng hara rona, kapa ha a yo na? ⁸Yaba ho tla Amaleke, a lwana le Iseraele Refidime. ⁹Moshe a re ho Joshua: Re kgethele banna, o tswe, o lwantshe Amaleke: haele nna, hosasane, ke tla ema qhoweng ya thaba, ke nkile lere la Modimo letsohong la ka. ¹⁰Yaba Joshua o etsa kamoo Moshe a mmoleletseng kateng, a lwana le Amaleke. Moshe le Aarone le Hure ba nyolohela qhoweng ya thaba. ¹¹Enere ha Moshe a emisa letsoho, Iseraele a hlole; ha a kokobetsa letsoho, Iseraele a hlole; ha a kokobetsa letsoho, Amaleke a hlole. ¹²Empa matsoho a Moshe a kgathala; yaba ba nka lejwe, ba le bea katlasa hae, a dula hodima lona, mme Aarone le Hure ba tshehetsa matsoho a hae, e mong ka ho le leng, e mong ka ho le leng; matsoho a hae a tiya jwalo ho fihlela letsatsi ha le dikela.