Eksoda

²¹Yaba Jehova o re ho Moshe: Theoha, o laele setjhaba, ba se tshohe ba phunyelletsa ka ho Jehova ho tla boha, mme ha eshwa ba bangata ho bona. ²²Esita le baprista ba atamelang Jehova, ba ikgalaletse le bona, esere Jehova a ba bolaya. ²³Yaba Moshe o re ho Jehova: Ha ho kamoo setjhaba se ka nyolohelang thabeng ya Sinai kateng, hobane o se o re boleletse, wa re: Etsetsang thaba moedi, e be ntho e halalelang. ²⁴Yaba Jehova o re ho yena: Tsamaya, o theohe, le ntano nyoloha, wena le Aarone, empa baprista le setjhaba ba se ke ba phunyelletsa ho tla nyolohela ho Jehova, esere a tshoha a ba bolaya. ²⁵Yaba Moshe o theohela ho setjhaba, a se bolella.