Eksoda

¹⁹Ba re: Moegepeta o re namoletse matsohong a badisa, a ba a re kgella metsi, a nosa dinku. ²⁰Yaba o re ho baradi ba hae: Homme o kae? Monna eo le mo sietseng? Mmitseng, a tlo ja bohobe. ²¹Moshe a rata ho aha ha monna eo, mme a mo nyadisa Sefora, moradi wa hae. ²²A tswala mora, a mo rea lebitso la Gershome, a re: Ke mojaki naheng ya ditjhaba. ²³Ditshiu tse ngata ha di fetile, morena wa Baegepeta a shwa. Haele bana ba Iseraele, ba ne ba ntse ba dumaela ka baka la ho tubeha ha bona, ba meketsa, mme ho meketsa ha bona ha fihla ho Modimo, kamoo ba tubehang kateng. ²⁴Modimo wa utlwa ho dumaela ha bona, mme Modimo wa hopola selekane sa wona le boAbrahama le Isaaka le Jakobo. ²⁵Modimo wa tadima bana ba Iseraele, mme wa ba hlokomela.