Eksoda

²⁶Ekare ha monna a otla leihlo la lekgoba la hae la monna kapa la mosadi, a le senya, o tla le tlohela, le itsamaele ka baka la leihlo la lona. ²⁷Ekare ha a roba leino la lekgoba la hae la monna kapa la mosadi, o tla le tlohela, le itsamaele ka baka la leino la lona. ²⁸Ekare ha kgomo e hlaba monna, kapa mosadi, mme eo a eshwa, kgomo e tla tlepetswa ka majwe, mme nama ya yona e ke ke ya jewa; haele monga kgomo, yena ha a na molato. ²⁹Empa kgomo eo, ha e ne e na le mokgwa wa ho hlaba, mme monga yona a eletswa, a mpa a se ke a e lebela, ekare ha e bolaya monna, kapa mosadi, kgomo e tla tlepetswa ka majwe, le yena monga yona a bolawe. ³⁰Ha a lefiswa, a lefelle bophelo ba hae kahohle kamoo a ka lefiswang kateng. ³¹Leha e hlabile mora, kapa moradi wa motho, e ke e etswe ka taelo eo. ³²Ha kgomo e hlabile lekgoba la monna kapa la mosadi, monga lona o tla lefelwa ka dishekele tse mashome a mararo tsa silefera, kgomo yona e tlepetswe.