Eksoda

¹³Ha e fela e ne e harolwe, a hlahise bopaki; ha a na ho lefa se harotsweng. ¹⁴Ekare ha motho a adimile phoofolo ho wa habo, mme ya tshoha e robeha setho, kapa ya eshwa, monga yona a le siyo, o tla e lefa. ¹⁵Ha monga yona a ne a le teng, ha a na ho lefa; ha e ne e adimilwe, tefo ya kadimo e eme bakeng sa yona. ¹⁶Ekare ha motho a thetsa morwetsana ya sa lebeletswang, mme a robala le yena, e ka kgona a mo etse mosadi wa hae, a be a mo ntshetse mpho. ¹⁷Ha ntatae a hana ruri ho mo nea yena, o tla lefa ka tjhelete, kamoo serwala sa barwetsana se leng kateng. ¹⁸O se ke wa tlohela moloi a phela. ¹⁹Ya robalang le phoofolo, a bolawe.