Eksoda

¹⁰Ba etse areka ya fate sa leoka: bolelele ba yona e be tswe tse pedi tse nang le halofo, bophara ba yona e be setswe se nang le halofo, mme bophahamo ba yona e be setswe se nang le halofo. ¹¹O tle o e manehe ka kgauta e hlwekileng. O e manehe kahare le kantle, mme o e etsetse mofapo wa kgauta o e potolohang. ¹²O e tshollele mehwele e mene ya kgauta eo o tla e bea dintlheng tse nne tsa yona: mehwele e mmedi e be lehlakoreng le leng la yona, e meng mehwele e mmedi e be lehlakoreng le leng la yona. ¹³O e etsetse mejaro ya sefate sa leoka, mme o e manehe ka kgauta. ¹⁴O ntoo kenya mejaro mehweleng, mahlakoreng a areka, ho jara areka ka yona. ¹⁵Mejaro e tla nne e dule mehweleng ya areka; e se ke ya tloswa. ¹⁶O tla bea arekeng bopaki boo ke tla o nea bona.