Eksoda

¹⁴O ntoo kenya mejaro mehweleng, mahlakoreng a areka, ho jara areka ka yona. ¹⁵Mejaro e tla nne e dule mehweleng ya areka; e se ke ya tloswa. ¹⁶O tla bea arekeng bopaki boo ke tla o nea bona. ¹⁷O tla etsa sekwahelo ka kgauta e hlwekileng; bolelele ba sona e be ditswe tse pedi tse nang le halofo, mme bophara ba sona e be setswe se nang le halofo. ¹⁸Hape, o etse dikerubime tse pedi tsa kgauta: o tle o di etse ka kgauta e teilweng, o di bee dintlheheng tse pedi tsa sekwahelo. ¹⁹O etse kerubime e nngwe ntlheng e ka kwano, mme o bee kerubime e nngwe ntlheng e ka kwana. Le tle le etse dikerubime hammoho le sekwahelo, dintlheng tsa sona tse pedi. ²⁰Dikerubime di ke di otlollele dipheo tsa tsona hodimo, di kgurumetse sekwahelo ka dipheo tsa tsona, mme di tadimane ka difahleho; difahleho tsa dikerubime di tadime nqa sekwahelong.