Eksoda

¹⁶bolelele ba polanka e tla ba tswe tse leshome, mme bophara ba polanka e be setswe se nang le halofo ya setswe. ¹⁷Polanka e nngwe le e nngwe e tle e etsetswe dimapo tse pedi tse bapaneng, o tle o etse dipolanka tsohle tsa tabernakele jwalo. ¹⁸Dipolanka tseo o di etsang tsa tabernakele, o tla bea tse mashome a mabedi ka nqa borwa; ¹⁹o tla etsa didulwana tsa silefera tse mashome a mane tse tla bewa tlasa dipolanka tse mashome a mabedi, polanka e be le didulwana tse pedi le dimapo tse pedi tsa tsona, e nngwe polanka e be le didulwana tse pedi le dimapo tse pedi tsa tsona. ²⁰Lehlakore la bobedi la tabernakele le ka nqa leboya o tla le etsetsa dipolanka tse mashome a mabedi; ²¹o etse le didulwana tsa tsona tsa silefera tse mashome a mane, polanka e nngwe e be le didulwana tse pedi, e nngwe polanka e be le didulwana tse pedi. ²²Haele motseo wa tabernakele, nqa bophirimela, o o etsetse dipolanka tse tsheletseng.