Eksoda

²Bolelele ba lesela le leng e tla ba ditswe tse mashome a mabedi a metso e robileng meno e le mmedi, bophara ba lona e be ditswe tse nne; masela wohle a etswe ka tekanyo e tshwanang. ³Masela a mahlano a ke a rokellwe hammoho, mme masela a mang a mahlano a rokellwe hammoho. ⁴O tla etsa mahokelo a purepera mophethong wa lesela, ntlheng e nngwe ya masela a rokeletsweng hammoho; o boele o etse jwalo mophethong wa lesela le ntlheng ya a mang a rokeletsweng hammoho. ⁵O tla bea mahokelo a mashome a mahlano leseleng le leng, o bee hape mahokelo a mashome a mahlano ntlheng ya lesela le qetellang masela a rokeletsweng hammoho, mahokelo a tle a lokelane. ⁶O ntoo etsa dikgoketsane tsa kgauta tse mashome a mahlano, mme o tle o kopanye masela hammoho ka dikgoketsane tseo, tabernakele e tle e be ntho e le nngwe feela. ⁷O tlo o etse masela a boya ba podi ho etsa tente ya tabernakele; o tle o etse masela a jwalo a leshome le motso o mong. ⁸Bolelele ba lesela e be ditswe tse mashome a mararo, bophara ba lona e be tswe tse nne; masela a leshome le motso o mong a etswe ka tekanyo e le nngwe.