Eksoda

³¹O tla etsa lesira le purepera le sekarelata le krimsone le lene e ntle e lohilweng; le tle le etswe ka mokgwa wa mosebetsi o etswang ka masene, mme ho homelwe dikerubime ho lona. ³²O tla le fanyeha ditshiyeng tse nne tsa sefate sa leoka, tse manehilweng ka kgauta, tse nang le dikgoketsane tsa tsona tsa kgauta; hape di hlomelwe didulwaneng tse nne tsa silefera. ³³O tle o bee lesira tlasa dikgoketsane, mme hona teng, kahare ho lesira, o tla kenya areka ya bopaki, lesira lena le tla le arolela sehalalelo ho sehalaledisiso. ³⁴O tla bea sekwahelo hodima areka ya bopaki, sehalaledisisong. ³⁵Tafole yona o e bee kantle ho lesira, kandelare yona e eme malebana le tafole, lehlakoreng la tabernakele le ka nqa borwa; o bee tafole ka nqa leboya. ³⁶O tle o etsetse monyako wa tente lesela la la purepera le sekarelata le krimsone le lene e ntle e lohilweng, e be mosebetsi o homilweng. ³⁷Lesela leo o tla le etsetsa tshiya tse hlano tsa leoka, tseo o tla di maneha ka kgauta, tse nang le dikgoketsane tsa tsona tsa kgauta, mme o di etsetse didulwana tse hlano tsa koporo.