Eksoda

²³Mokgajwaneng o tla etsa mehwele e mmedi ya kgauta, mme mehwele eo e mmedi o tle o e bee dintlheng tsa mokgajwana; ²⁴maqakatsa a tshopilweng a kgauta, o tla a kenya mehweleng eo e mmedi, dintlheng tsa mokgajwana. ²⁵Dintlha tse ding tse pedi tsa maqakatsa a tshophilweng o tle o di kenye dikoomaneng tse pedi, di bewe mabanteng a mahetla a efoda, kapele ho wona. ²⁶O tla etsa mehwele e mmedi ya kgauta, mme o tla e bea pheletsong tse pedi tsa mokgajwana, mophethong o bapaneng le efoda, kahare. ²⁷O etse hape mehwele e mmedi ya kgauta, mme o e bee mabanteng a mabedi a mahetleng a efoda, katlase, kapele ho wona, haufiufi le moo e rokahantsweng teng, kahodima senyepa sa efoda. ²⁸Mokgajwana o ke o hokelwe ka mehwele ya wona mehweleng ya efoda ka kgole ya purepera, hore o tle o eme kahodima senyepa sa efoda, mokgajwana o tle o se ke wa sutha efodeng. ²⁹Etlare ha Aarone a kena sehalalelong, o tla jara sefubeng sa hae, ka mokgajwana wa kahlolo, mabitso a bana ba Iseraele, e tle e be kgopotso e sa feleng pela Jehova.