Eksoda

¹⁰O atametse pohwana pela tente ya pokano, mme Aarone le bara ba hae ba tla bea matsoho a bona hloohong ya poho; ¹¹o ntoo hlaba poho pela Jehova, monyako wa tente ya pokano. ¹²O nke madi a poho o a bee manakeng a aletare ka monwana; madi a mang kaofela o a tshollele fatshe pela aletare. ¹³O ntoo nka mafura wohle a apesang mala, le maapara a hodima sebete, le diphio tse pedi, le mafura a tsona; o di tjheseletse aletareng. ¹⁴Haele nama ya poho, le letlalo la yona, le moswang wa yona, o di tjhese kantle ho diahelo; ke sehlabelo sa sebe. ¹⁵O tla nka pheleu e nngwe, mme Aarone le bara ba hae ba tla bea matsoho a bona hloohong ya pheleu; ¹⁶o ntoo hlaba pheleu, mme o nke madi a yona, o a tshollele aletareng ka nqa tsohle.