Eksoda

²O nke pohwana le dipheleu tse pedi tse hlokang sekodi, le bohobe bo sa lomoswang, le dinkgwana tse se nang ditomoso, tse dubilweng ka ole, le maqebekwane a se nang ditomoso, a tlotsitwseng ka ole; o tle o di etse ka phofo e sefilweng ya koro; ³o di kenye serotong, mme o di hlahise ka seroto, hammoho le pohwana le dipheleu tse pedi. ⁴O ntoo atametsa Aarone le bara ba hae pela monyako wa tente ya pokano, o ba hlatswe ka metsi. ⁵O tla nka diaparo, o apese Aarone kojwana, le kobo ya efoda, le efoda, le mokgajwana oo o tla o tlama hodima hae ka senyepa sa efoda; ⁶o ntoo mo rwesa moqhwele hloohong, mme moqhweleng o bee lebenyane le kgethehileng. ⁷O tla nka ole ya setlolo, o e tshollele hloohong ya hae, mme o mo tlotse jwalo. ⁸Le bara ba hae o tla ba atametsa, o ba apese dikojwana;