Eksoda

¹⁰Aarone a tle a etse pheko manakeng a aletare hang ka selemo se seng le se seng; a etse pheko teng hang ka selemo, melokong ya lona, ka madi a sehlabelo sa sebe. E tla ba ntho e kgethehileng haholo ho Jehova. ¹¹Hape, Jehova a bolella Moshe, a re: ¹²Etlare ha o bala bana ba Iseraele ho tseba palo ya bona, e mong le e mong a tle a ntshetse moya wa hae topollo, pela Jehova, mohla ba balwang, hore ba se ke ba welwa ke bolwetse, mohla ba balwang. ¹³Bohle ba balwang ba tla ntsha hona: ba ntshe halofo ya shekele (ka ho ya ka shekele ya sehalalelo, e leng shekele e nang le gera tse mashome a mabedi), ke re, halofo ya shekele, e be kabelo e abelwang Jehova. ¹⁴Mang le mang ya balwang, ho tloha ho ya dilemo tse mashome a mabedi le ho ya pele, o tla ntsha kabelo e abelwang Jehova. ¹⁵Morui a se ke a eketsa, mme mofutsana a se ke a fokotsa halofo ya shekele ka letho, ha ho ntshwa kabelo e newang Jehova, ho etsa topollo ya meya ya lona. ¹⁶O nke tjhelete tsa topollo tse ntshwang ke bana ba Iseraele, o di ntshetse tshebeletso ya tente ya pokano; e tla ba kgopotso ho bana ba Iseraele pela Jehova, ha ho etsetswa meya ya lona topollo.