Eksoda

³Manaka a yona e be ntho e le nngwe le yona. O e manehe ka kgauta e hlwekileng, kahodimo le kahohle mahlakoreng le manakeng; o e etsetse mofapo wa kgauta o e potolohang. ⁴O e etsetse mehwele e mmedi ya kgauta tlasa mofapo, mahlakoreng a yona a mabedi; o etse jwalo mahlakoreng a mabedi; mehwele eo e be ya ho kenya mejaro, eo e jarwang ka yona. ⁵O etse mejaro ya sefate sa leoka, o e manehe ka kgauta. ⁶O tla bea aletare malebana le lesira le pela areka ya bopaki, ho tadimana le sekwahelo se hodima bopaki, e leng moo ke tla teana le wena teng. ⁷Aarone a tjhesetse ho yona ka hosasa ho hong le ho hong dibano tse monko o monate; a di tjhese ha a lokisa dilampi. ⁸Etlare ha Aarone a hoteditse dilampi mantsiboya, a tjhese dibano; e tla ba dibano tse sa feleng pela Jehova, melokong ya lona. ⁹Le se ke la tjhesetsa teng dibano disele, kapa setjheso, kapa nye helo, mme le se ke la etsa ditshelo teng.