Eksoda

⁵O etse mejaro ya sefate sa leoka, o e manehe ka kgauta. ⁶O tla bea aletare malebana le lesira le pela areka ya bopaki, ho tadimana le sekwahelo se hodima bopaki, e leng moo ke tla teana le wena teng. ⁷Aarone a tjhesetse ho yona ka hosasa ho hong le ho hong dibano tse monko o monate; a di tjhese ha a lokisa dilampi. ⁸Etlare ha Aarone a hoteditse dilampi mantsiboya, a tjhese dibano; e tla ba dibano tse sa feleng pela Jehova, melokong ya lona. ⁹Le se ke la tjhesetsa teng dibano disele, kapa setjheso, kapa nye helo, mme le se ke la etsa ditshelo teng. ¹⁰Aarone a tle a etse pheko manakeng a aletare hang ka selemo se seng le se seng; a etse pheko teng hang ka selemo, melokong ya lona, ka madi a sehlabelo sa sebe. E tla ba ntho e kgethehileng haholo ho Jehova. ¹¹Hape, Jehova a bolella Moshe, a re: