Eksoda

¹Jehova a bolella Moshe, a re: Bona, ke bitsitse Betsaleele, mora Uri, mora Hure, wa leloko la Juda, ka lebitso la hae, ³ke mo tlatsitse ka moya wa Modimo, ka bohlale, ka kutlwisiso, ka tsebo, hore a tle a tsebe ho etsa mesebetsi ya mefutafuta, ⁴leha e le ho qapa e meng, ho sebetsa kgauta, le silefera, le koporo, ⁵le ho betla mahakwe a kenngwang dikoomaneng le ho betla difate, le ho etsa mesebetsi ya mefutafuta. ⁶Bona, ke beile le Oholiabe, mora Akisamake, wa leloko la Dane; hape ke kentse bohlale pelong tsa batho bohle ba masene, hore ba sebetse tsohle tsee ke o laetseng tsona;