Eksoda

²Yaba Aarone o re: Rodisang basadi ba lona le bara ba lona le baradi ba lona masale a kgauta a ditsebeng tsa bona, le ntlisetse wona. ³Yaba setjhaba kaofela se rola masale a kgauta a ditsebeng tsa sona, ba a tlisa ho Aarone. ⁴Yena a a amohela matsohong a bona, a seta kgauta ka moseto, mme a etsa namane e tsholotsweng. Ba re: Oho Iseraele, modimo wa hao ke oo, o o ntshitseng fatsheng la Egepeta! ⁵Eitse ha Aarone a bona taba eo, a haha aletare pela namane, a howeletsa, a re: Hosasane, e tla ba mokete wa Jehova! ⁶Hosasane ba tsoha e sa le hosasa, ba hlaba mahlabelo a ditjheso, ba hlahisa mahlabelo a teboho. Setjhaba sa dula fatshe ho ja le ho nwa, sa ntoo ema sa hobela. ⁷Yaba Jehova o re ho Moshe: Ema, o theohe, hobane tjhaba sa hao, seo o se nyolotseng fatsheng la Egepeta, se itshentse. ⁸Ba se ba kgelohile tsela eo ke neng ke ba laetse yona. Ba iketseditse namane e tsholotsweng, ba kgumamile pela yona, ba bile ba e hlabetse mahlabelo, ba itse: Oho Iseraele, modimo wa hao ke oo, o o ntshitseng fatsheng la Egepeta!