Eksoda

¹Yaba Jehova o re ho Moshe: O betle matlapa a mabedi a kang a pele, mme ke tla ngola matlapeng mantswe a neng a le matlapeng a pele ao o a bolaileng. ²O itokise e sa le hosasa, mme o hlwelle thabeng ya Sinai hosasa; o eme teng pela ka, qhoweng ya thaba. ³Ho se ke ha nyoloha motho le wena; ho se ke ha bonwa motho thabeng yohle; esita le dinku le dikgomo, di se ke tsa tla fula pela thaba ena. ⁴Moshe a betla matlapa a mabedi a kang a pele; mme a tsoha e sa le hosasa, a hlwella thabeng ya Sinai, jwalokaha Jehova a ne a mo laetse, a ya a nkile matlapa a mabedi matsohong a hae. ⁵Yaba Jehova o theohela lerung, a ema teng le yena, a bolela lebitso la Jehova.