Eksoda

¹³le tafole le mejaro ya yona, le mesebetsi yohle ya yona, le mahobe a pontsha; ¹⁴le kandelare ya ho bonesa le mesebetsi ya yona, le dilampi tsa yona le ole ya ho bonesa; ¹⁵le aletare ya dibano le mejaro ya yona, le ole ya setlolo le dibano tse nkgang hamonate, le lesela le homilweng la monyako le etsetswang monyako wa tabernakele; ¹⁶le aletare ya ditjheso, le rostere ya koporo, le mejaro ya yona le mesebetsi ya yona, le morifi le sedulwana sa wona; ¹⁷le masela a lebala, le ditshiya tsa lona le didulwana tsa tsona, le lesela le homilweng la monyako wa lebala; ¹⁸le dithakgisa tsa tabernakele, le dithakgisa tsa lebala le mehala ya tsona; ¹⁹le diaparo tsa ho etsa tshebeletso sehalalelong, e leng diaparo tse kgethehileng tsa Aarone moprista, le diaparo tsa bara ba hae, tsa ho etsa mosebetsi wa boprista.