Eksoda

¹⁰Ha rokellwa masela a mahlano hammoho, mme ha rokellwa masela a mang a mahlano. ¹¹Ha etswa mahokelo a purepera mophethong wa lesela le leng, ntlheng ya masela a rokeletsweng; ha etswa jwalo hape mophethong wa lesela, le ntlheng ya masela a mang a rokeletsweng. ¹²Ha etswa mahokelo a mashome a mahlano leseleng le leng, hape ha etswa mahokelo a mashome a mahlano ntlheng ya lesela le qetellang a mang a rokeletsweng, hore mahokelo a bape. ¹³Ha etswa dikgoketsane tse mashome a mahlano tsa kgauta, ha kopanngwa masela hammoho ka dikgoketsane; ka mokgwa o jwalo tabernakele ya eba ntho e phethehileng. ¹⁴Hape, ha etswa masela a boya ba podi a ho etsa tente ya tabernakele; ha etswa masela e leshome le motso o mong. ¹⁵Bolelele ba lesela ya eba ditswe tse mashome a mararo; bophara ba lesela ya eba ditswe tse nne; masela ao a leshome le motso o mong a etswa ka tekanyo e le nngwe. ¹⁶Ha rokellwa masela a mahlano hammoho, ha boela ha rokellwa masela a tsheletseng kahosele.