Eksoda

²⁶le didulwana tsa tsona tsa silefera tse mashome a mane; polanka e nngwe ya eba le didulwana tse pedi, e nngwe hape polanka ya eba le didulwana tse pedi. ²⁷Haele motseo wa tabernakele, ka nqa bophirimela, wa etsetswa dipolanka tse tsheletseng. ²⁸Le dikgutlo tsa tabernakele tse motsheo, tsa etsetswa dipolanka tse pedi. ²⁹Tsa kopanngwa katlase, hape tsa kopanngwa le kahodimo ka mofapo; dipolanka tse pedi tsa dikgutlo tse pedi tsa etswa jwalo. ³⁰Ha ho le jwalo, ha etswa dipolanka tse robileng meno e le mmedi le didulwana tsa tsona tsa silefera; didulwana tsa eba leshome le metso e tsheletseng, tsa eba ka bobedi tlasa polanka e le nngwe, tsa eba ka bobedi tlasa polanka e nngwe hape. ³¹Hape, ha etswa maballo a sefate sa leoka, ha etswa a le mahlano dipolankeng tsa lehlakore le leng la tabernakele; ³²hape, maballo a eba mahlano lehlakoreng la bobedi la tabernakele; le motsheo ka nqa bophirimela, maballo a eba mahlano dipolankeng tsa tabernakele.