Eksoda

¹Yaba Betsaleele o etsa areka ya sefate sa leoka; bolelele ba yona ya eba ditswe tse pedi tse nang le halofo, bophara ba yona ya eba setswe se nang le halofo, bophahamo ba yona ya eba setswe se nang le halofo. ²Ya manehwa ka kgauta e hlwekileng, kahare le kantle, mme ya etsetswa mofapo wa kgauta o e potolohang. ³Ya tshollelwa mahwele e mene ya kgauta e bewang dintlheng tse nne tsa yona; mehwele e mmedi ya bewa lehlakoreng le leng la yona, e meng mehwele e mmedi lehlakoreng le leng la yona. ⁴Ha etswa mejaro ya sefate sa leoka, ya manehwa ka kgauta; ⁵mejaro ya kenngwa mehweleng, mahlakoreng a areka, ho jara areka. ⁶Ha etswa le sekwahelo sa kgauta e hlwekileng; bolelele ba sona ya eba tswe tse pedi tse nang le halofo, bophara ba sona ya eba setswe se nang le halofo. ⁷Ha etswa dikerubime tse pedi tsa kgauta; tsa etswa ka kgauta e teilweng dintlheng tse pedi tsa sekwahelo;