Eksoda

¹¹Ya menehwa ka kgauta e hlwekileng, mme ya etsetswa mofapo wa kgauta o e potolohang. ¹²Hape, ya etsetswa moqhaka o bophara ba seatla o e potolohang; ya etsetswa mofapo wa kgauta o potang moqhaka wa yona. ¹³Ya tshollelwa mehwele e mene ya kgauta; mehwele ya bewa dintlheng tse nne tse maotong a mane a yona. ¹⁴Mehwele e ne e le haufi le moqhaka, ho kenya mejaro ya ho jara tafole. ¹⁵Ha etswa mejaro ya sefate sa leoka, ya manehwa ka kgauta, ho jara tafole. ¹⁶Ha etswa le mesebetsi e bewang tafoleng, e leng mafiso a yona, le mehope ya yona, le dinkgwana tsa yona, le merifi ya yona ya ho etsa ditshelo; tsa etswa ka kgauta e hlwekileng. ¹⁷Ha etswa le kandelare ya kgauta e hlwekileng: Kandelare ya etswa ka kgauta e teilweng; leoto la yona, le kutu ya yona, le meritshwana ya yona, le dinoko tsa yona, le dipalesa tsa yona, e ne e le ntho e le nngwe le yona.