Eksoda

²⁵Ha etswa le aletare ya dibano ka sefate sa leoka; bolelele ba yona e le setswe se le seng, bophara ba yona e le setswe se le seng; e ne e le mahlakore a mane a lekanang; bophahamo ba yona ya eba ditswe tse pedi; manaka a yona a tswile ho yona. ²⁶Ya manehwa ka kgauta e hlwekileng, kahodimo le kahohle mahlakoreng le manakeng; ya etsetswa mofapo wa kgauta o e potolohang. ²⁷Ya etsetswa le mehwele e mmedi ya kgauta tlasa mofapo, mahlakoreng a yona a mabedi, le mahlakoreng a mang a mabedi, ya ho kenya mejaro, hore e tle e jarwe ka yona. ²⁸Ha etswa mejaro ya sefate sa leoka, mme ya manehwa ka kgauta. ²⁹Hape, ha etswa ole ya setlolo e kgethehileng, le dibano tse hlwekileng tse monko o monate, ka mokgwa wa motswaki wa tse nkgang hamonate.