Eksoda

⁶Ha etswa le sekwahelo sa kgauta e hlwekileng; bolelele ba sona ya eba tswe tse pedi tse nang le halofo, bophara ba sona ya eba setswe se nang le halofo. ⁷Ha etswa dikerubime tse pedi tsa kgauta; tsa etswa ka kgauta e teilweng dintlheng tse pedi tsa sekwahelo; ⁸kerubime e nngwe ya bewa ntlheng e ka kwano; kerubime e nngwe ya bewa ntlheng e ka kwana; ha etswa dikerubime hammoho le sekwahelo, dintlheng tse pedi tsa sona. ⁹Dikerubime di ne di otlollela dipheo tsa tsona hodimo, di kgurumeditse sekwahelo ka dipheo tsa tsona, difahleho di tadimane; mme difahleho tsa dikerubime di ne di tadimile nqa sekwahelong. ¹⁰Ha etswa le tafole ya sefate sa leoka, bolelele ba yona e le ditswe tse pedi, bophara ba yona e le setswe se le seng, bophahamo ba yona e le setswe se nang le halofo. ¹¹Ya menehwa ka kgauta e hlwekileng, mme ya etsetswa mofapo wa kgauta o e potolohang. ¹²Hape, ya etsetswa moqhaka o bophara ba seatla o e potolohang; ya etsetswa mofapo wa kgauta o potang moqhaka wa yona.