Eksoda

²⁴Haele kgauta kaofela e keneng mosebetsing, e leng mosebetsi wohle wa sehalalelo, ke ena: Kgauta ya kabelo e tsokoditsweng ya eba talenta tse mashome a mabedi a metso e robileng mono o le mong tse nang le dishekele tse makgolo a supileng a mashome a mararo, ha ho uwa ka shekele ya sehalalelo. ²⁵Haele silefera ya bohle ba phutheho ba badilweng, ya eba ditalenta tse lekgolo le nang le dishekele tse sekete se nang le makgolo a supileng a mashome a supileng a metso e mehlano, ha ho uwa ka shekele ya sehalalelo; ²⁶ya eba beka bakeng sa e mong le e mong, halofo ya shekele, ha ho uwa ka shekele ya sehalalelo, bakeng sa bohle ba badilweng, ho tloha ho ba dilemo tse mashome a mabedi le ho ya pele, ba etsa dikete tse makgolo a tsheletseng a metso e meraro tse nang le makgolo a mahlano a mashome a mahlano. ²⁷Ka ditalenta tsa silefera tse lekgolo, ha tshollwa didulwana tsa sehalalelo le didulwana tsa lesira: Ha etswa didulwana tse lekgolo ka ditalenta tse lekgolo, sedulwana se seng ka talenta e le nngwe. ²⁸Ka dishekele tse sekete se nang le makgolo a supileng a mashome a supileng a metso e mehlano, ha etswa dipekere tsa ditshiya, ha manehwa dihlooho tsa tsona, mme ditshiya tsa kgabiswa ka dithupa. ²⁹Haele koporo ya kabelo e tsokoditsweng, ya eba talenta tse mashome a supileng a nang le dishekele tse kete tse pedi tse nang le makgolo a mane. ³⁰Ka yona ha etswa didulwana tsa monyako wa tente ya pokano, le aletare ya koporo, le rostere ya yona ya koporo, le mesebetsi yohle ya aletare;