Eksoda

³Hape, ha etswa mesebetsi ya aletare, dipitsana tsa molora, le dikgarafu, le mehope, le difereko, le dipitsa tsa dibano; mesebetsi yohle ya yona ya etswa ka koporo. ⁴Aletare ya etsetswa rostere ya koporo, e bewang tlasa mophetho wa yona, mahareng a yona. ⁵Ya tshollelwa mehwele e mene ya koporo, dintlheng tse nne tsa rostere, ho kenya mejaro. ⁶Mejaro yona ya etswa ka sefate sa leoka, mme ya manehwa ka koporo; ⁷mejaro ya kenngwa mehweleng, mahlakoreng a aletare, hore e jarwe ka yona; ya etswa ka dipolanka, e le sekoti kahare. ⁸Yaba ho etswa morifi wa koporo, le sedulwana sa wona sa etswa ka koporo, ho nkilwe diipone tsa ho ipona tsa basadi ba sebetsang, ba neng ba etla tshebeletsong ka dihlopha, monyako wa tente ya pokano. ⁹Ha ntoo etswa lebala; ka nqa borwa, ha etswa masela a lepeletseng a lebala a lene e ntle e lohilweng a ditswe tse lekgolo;