Eksoda

¹⁴Mahakwe a ne a dutse ka ho ya ka lenaneo la mabitso a bana ba Iseraele a leshome le metso e mmedi, e leng mabitso a leshome le metso e mmedi a meloko e leshome le metso e mmedi, le leng le le leng ha ngolwa lebitso la lona, ka mokgwa wa tiiso. ¹⁵Mokgajwaneng ha etswa maqakatsa a lohilweng, ka mokgwa wa mosebetsi o tshopilweng, a kgauta e hlwekileng. ¹⁶Ha etswa dikotjana tse pedi tsa kgauta le mehwele e mmedi ya kgauta; mehwele e mmedi ya bewa dintlheng tsa mokgajwana. ¹⁷Ha bewa maqakatsa a mabedi a kgauta mehweleng e mmedi, dintlheng tsa mokgajwana; ¹⁸dintlha tse ding tse pedi tsa maqakatsa a mabedi tsa kenngwa dikotjaneng tse pedi; tsa bewa mabanteng a efoda, kapele ho wona. ¹⁹Hape, ha etswa mehwele e mmedi ya kgauta, ya bewa dintlheng tse pedi tsa mokgajwana, mophethong o bapileng le efoda, kahare. ²⁰Ha ha etswa mehwele e meng e mmedi ya kgauta ya bewa mabanteng a mabedi a efoda, katlase, kantle ho yona, haufiufi le moo e rokahantsweng teng, kahodima senyepa sa efoda.