Eksoda

²⁷Yaba ho etswa dikojwana tsa lene e ntle, tse lohilweng, e le tsa Aarone le bara ba hae; ²⁸ha etswa le moqhwele wa lene e ntle, le dikatiba tsa kgabiso tsa lene e ntle, le marikgwana a lene e ntle e lohilweng; ²⁹le senyepa sa lene e ntle e lohilweng le purepera, le sekarelata, le krimsone, ka mokgwa wa mesebetsi e homilweng, jwalokaha Jehova a ne a laetse Moshe. ³⁰Hape, ha etswa lebenyane la kgauta e hlwekileng la moqhwele o kgethehileng; ha ngolwa ho lona lengolo la tiiso le reng: Kgalalelo ho Jehova; ³¹la hokelwa ka kgole ya purepera, hore le bewe moqhweleng, kahodima wona, jwalokaha Jehova a ne a laetse Moshe. ³²Tsohle tsa tshebetso ya tabernakele, e leng tente ya pokano, tsa phethwa jwalo, mme bana ba Iseraele ba etsa ka tsohle tseo Jehova a di laetseng Moshe; ba etsa jwalo. ³³Yaba Moshe o tlisetswa tabernakele, le tente le mesebetsi yohle ya yona, le dikgoketsane tsa yona, le dipolanka tsa yona, le maballo a yona, le ditshiya tsa yona, le didulwana tsa yona;