Eksoda

³Ha otlollwa maleme a kgauta, a sehwa ho etsa dikgole tsa ho lohanngwa le purepera, le sekarelata, le krimsone, le lene e ntle e lohilweng, ka mokgwa wa mosebetsi o etswang ka masene. ⁴Efoda ya etsetswa mabanta a ho kopanya, ya kopanngwa dintlheng tse pedi tsa yona. ⁵Haele senyepa sa ho e tlama, se hodima efoda, se ne se etswa ho yona, e le mosebetsi o le mong le yona, e le sa kgauta, le purepera, le sekarelata, le krimsone, le lene e ntle e lohilweng, jwalokaha Jehova a ne a laetse Moshe. ⁶Ha sebetswa mahakwe a onikse, a kenngwa dikoomaneng tsa kgauta; a ngolwa ka mokgwa wa tiiso ya mangolo, a ngolwa mabitso a bana ba Iseraele; ⁷a bewa mabanteng a efoda, e le mahakwe a kgopotso ho bana ba Iseraele; jwalokaha Jehova a ne a laetse Moshe. ⁸Mokgajwana wona wa etswa ka mokgwa oa mosebetsi o etswang ka masene, le ka mokgwa o le mong le efoda; wa etswa ka kgauta, le purepera, le sekarelata, le krimsone, le lene e ntle e lohilweng; ⁹o ne o na le mahlakore a mane. Mokgajwana wa etswa o mennwe; o ne o le bolelele ba boahlamo ba menwana, le bophara ba wona e ne e le ba boahlamo ba menwana; o ne o mennwe.