Eksoda

⁹o ne o na le mahlakore a mane. Mokgajwana wa etswa o mennwe; o ne o le bolelele ba boahlamo ba menwana, le bophara ba wona e ne e le ba boahlamo ba menwana; o ne o mennwe. ¹⁰Wa etsetswa melana e mene ya mahakwe: molaneng o mong ha bewa rubise, le topase, le emeralde; ke wona mola wa pele; ¹¹molaneng wa bobedi ha bewa karabunkle, le safire, le daemane; ¹²molaneng wa boraro, ha bewa hiasinthe, le agate, le amethiste; ¹³molaneng a bone, ha bewa krisolite, le onikse, le jaspe. Mahakwe ana a ne a dikadikeditswe ka kgauta dikoomeneng tsa wona. ¹⁴Mahakwe a ne a dutse ka ho ya ka lenaneo la mabitso a bana ba Iseraele a leshome le metso e mmedi, e leng mabitso a leshome le metso e mmedi a meloko e leshome le metso e mmedi, le leng le le leng ha ngolwa lebitso la lona, ka mokgwa wa tiiso. ¹⁵Mokgajwaneng ha etswa maqakatsa a lohilweng, ka mokgwa wa mosebetsi o tshopilweng, a kgauta e hlwekileng.