Eksoda

¹⁴O atametse le bara ba hae, o ba apese dikojwana, ¹⁵o ba tlotse, jwalokaha o tlotsitse ntata bona, hore ba etse mosebetsi wa boprista pela ka; mme tlolo ya bona ho bona e tla ba boprista ba kamehla, melokong ya bona. ¹⁶Moshe a etsa jwalo; a etsa tsohle kamoo Jehova a mo laetseng kateng. ¹⁷Ka kgwedi ya ho qala ya selemo sa bobedi, ka tsatsi la pele la kgwedi, tabernakele ya hlongwa. ¹⁸Moshe a hloma tabernakele, a bea didulwana, a bea le dipolanka, a bea le maballo, a emisa ditshiya. ¹⁹Hape, a ala tente hodima tabernakele, mme hodima yona a bea sekgurumetso sa tente, jwalokaha Jehova a ne a laetse Moshe. ²⁰Jwale, a nka bopaki, a bo kenya arekeng; a kenya mejaro arekeng; a ntoo bea sekwahelo hodima areka.