Eksoda

¹⁸Moshe a hloma tabernakele, a bea didulwana, a bea le dipolanka, a bea le maballo, a emisa ditshiya. ¹⁹Hape, a ala tente hodima tabernakele, mme hodima yona a bea sekgurumetso sa tente, jwalokaha Jehova a ne a laetse Moshe. ²⁰Jwale, a nka bopaki, a bo kenya arekeng; a kenya mejaro arekeng; a ntoo bea sekwahelo hodima areka. ²¹Yaba o tlisa areka tabernakeleng, a fanyeha lesira le homilweng le kgaolang, a sireletsa jwalo areka ya bopaki, jwalokaha Jehova a ne a laetse Moshe. ²²Yaba o isa tafole tenteng ya pokano, lehlakoreng la tabernakele le leng ka nqa leboya, kantle ho lesira, ²³a lokisa mahobe pela Jehova, jwalokaha Jehova a ne a laetse Moshe. ²⁴Kandelare yona a e bea tenteng ya pokano, mabapa le tafole, lehlakoreng la tabernakele le leng ka nqa borwa;