Eksoda

⁴O ntoo tlisa tafole, o e lokisetse tsa yona; o ntoo tlisa kandelare, o lokise dilampi tsa yona. ⁵Aletare ya kgauta ya dibano, o tla e bea pela areka ya bopaki, o bee lesela le homilweng monyakong wa tabernakele. ⁶Aletare ya ditjheso yona o tla e bea pela monyako wa tabernakele ya tente ya pokano. ⁷Hape, o bee morifi pela tente ya pokano le aletare, mme o o tshele metsi. ⁸Lebala lona o tla le bea ka mathoko, o bee lesela le homilweng monyako wa lebala. ⁹O tla nka ole ya setlolo, mme ka yona o tlotse tabernakele le tsohle tse ho yona; ka ho etsa jwalo, o tla e kgetha le yona mesebetsi yohle ya yona, mme e tla kgetheha. ¹⁰Hape, o tlotse aletare ya ditjheso le mesebetsi yohle ya yona, mme o kgethe aletare; aletare e tla ba ntho e halalelang haholo.