Eksoda

⁶Aletare ya ditjheso yona o tla e bea pela monyako wa tabernakele ya tente ya pokano. ⁷Hape, o bee morifi pela tente ya pokano le aletare, mme o o tshele metsi. ⁸Lebala lona o tla le bea ka mathoko, o bee lesela le homilweng monyako wa lebala. ⁹O tla nka ole ya setlolo, mme ka yona o tlotse tabernakele le tsohle tse ho yona; ka ho etsa jwalo, o tla e kgetha le yona mesebetsi yohle ya yona, mme e tla kgetheha. ¹⁰Hape, o tlotse aletare ya ditjheso le mesebetsi yohle ya yona, mme o kgethe aletare; aletare e tla ba ntho e halalelang haholo. ¹¹O tlotse le morifi le sedulwana sa oona, o o kgethe. ¹²O ntoo atametsa Aarone le bara ba hae monyako wa tente ya pokano, o ba hlatswe ka metsi.