Eksoda

¹²Yaba setjhaba se qhalanela naheng yohle ya Egepeta ho bokella ditlhoka bakeng sa setroi. ¹³Bahlahlobi ba ba potlakisa, ba nna ba re: Phethang mesebetsi ya lona; ho etswe mosebetsi wa tsatsi le leng le le leng, jwaloka setroi ha se sa le teng. ¹⁴Ba shapa balaedi ba bana ba Iseraele, ba beilweng hodima bona ke bahlahlobi ba Faro, ba re: Ke ka baka lang ha le sa ka la phetha mosebetsi wa lona wa ho etsa setene maobane le kajeno jwaloka pele? ¹⁵Yaba balaedi ba bana ba Iseraele ba ya, ba lla ho Faro, ba re: Ho ya kang, ha o etsetsa bahlanka ba hao jwalo? ¹⁶Re le bahlanka ba hao, ha re fuwe setroi, mme ho thwe ho rona: Etsang setene! Re le bahlanka ba hao, re a otlwa, jwaloka hoja batho ba hao ba sebile. ¹⁷A re: Le botswa, le botswa! ke ka baka leo le reng: A re yo hlabela Jehova mahlabelo. ¹⁸Tsamayang bo! le sebetse, mme ha le ka ke la fuwa setroi, empa le tla nne le phethe palo ya setene.