Eksoda

¹⁰A re: Hosasane. Yaba o re: Ho tla ba jwalokaha o boletse o tle u tsebe hobane ha ho ya tshwanang le Jehova, Modimo wa rona. ¹¹Dihohwana di tla tloha ho wena, le matlung a hao, le ho bahlanka ba hao, le ho setjhaba sa hao, di sale nokeng feela. ¹²Yaba Moshe le Aarone ba tloha pela Faro, mme Moshe a howeletsa ho Jehova ka baka la dihohwana tseo a di hlahiseditseng Faro. ¹³Yaba Jehova o etsa kamoo Moshe a kopang kateng; dihohwana tsa eshwa matlung, le metseng, le naheng. ¹⁴Ba di bokella, ba etsa diqubuqubu, lefatshe la ba la nkga. ¹⁵Empa eitse ha Faro a bona hobane ho kgaoditswe, a ithatafatsa pelo, a se ke a ba mamela, jwalokaha Jehova a ne a boletse. ¹⁶Yaba Jehova o re ho Moshe: Ere ho Aarone: Emisa lere la hao, o otle lerole la lefatshe, le tle le fetohe dinta naheng yohle ya Egepeta.