Eksoda

²⁸Yaba Faro o re: Ke tla le lokolla, le tle le ye ho hlabela Jehova, Modimo wa lona, lefeelleng; empa le se ke la ya hole hakakang; nthapelleng. ²⁹Moshe a re: Bona, ke ya tloha ho wena, mme ke tla rapela Jehova; hosasane, menwang e tla tloha ho Faro, le ho bahlanka ba hae, le ho setjhaba sa hae, empa feela Faro a se ke a hlola a etsa ka mano, a hana ho lokolla setjhaba hore se ye ho hlabela Jehova. ³⁰Yaba Moshe o tloha pela Faro, mme a rapela Jehova. ³¹Jehova a etsa ka thapelo ya Moshe, a tlosa menwang ho Faro, le ho bahlanka ba hae, le ho setjhaba sa hae; ho se ke ha sala le o mong. ³²Empa Faro a boela a ithatafatsa pelo le ka lekgetlo lena, mme a se ke a lokolla setjhaba.