Ujeremiya

⁵Futhi ngiyakunikela yonke imfuyo yalo muzi, nayo yonke imisebenzi yawo, nakho konke kwawo okuyigugu, yebo, yonke ingcebo yamakhosi akwaJuda esandleni sezitha zabo, ziyiphange, ziyithathe, ziyiyise eBabele. ⁶Nawe Phashuri nabo bonke abahlala endlini yakho niyakuthunjwa; uyakufika eBabele, kepha uyakufela khona, umbelwe khona, wena nabo bonke abangane bakho oprofethe kubo amanga.’ ” ⁷ Wangiyenga, Jehova, ngayengeka;wawunamandla kunami, wangahlula.Ngibe yinhlekiso usuku lonke,bonke bangiklolodela. ⁸Njalo lapho ngikhuluma, ngiyakhala,ngimemeza ngobudlova nokubhubhisa,lokhu izwi likaNkulunkulu lenziwaihlazo nenhlekiso kimi usuku lonke. ⁹Lapho ngithi:“Angisayikumkhumbula,ngingasakhulumi egameni lakhe,”kusenhliziyweni yami njengomlilo oshisayo,uvalelwe emathanjeni ami;ngikhathele ukubekezela, angikwazi. ¹⁰ Ngizwile ukuhleba kwabaningi:“Luvalo nxazonke.Mmangalele! Masimmangalele!”Bonke abangane bami bayalinda ukuwa kwami.“Mhlawumbe angayengwa, simahlule,siziphindisele kuye.” ¹¹ Kepha uJehova unami njengeqhawe elesabisayo;ngalokho abangizingelayo bayakukhubeka,bangangahluli;bayakuba namahloni kakhulu,ngokuba abenzanga ngokuhlakanipha,nehlazo labo eliphakade aliyikukhohlakala.