Ujeremiya

¹⁸Ngalokho zwanini nina zizwe,wazi wena bandlaukuthi yintoni ephakathi kwabo. ¹⁹Yizwa wena mhlaba ukuthi: Bheka,ngiyakwehlisela okubi phezu kwalaba bantu,izithelo zemicabango yabo,ngokuba abaqaphelanga amazwi ami,nomthetho wami bawulahlile. ²⁰ Ifikelani kimi inhlaka evela eSheba,nomhlanga othaphukayo ovela ezweni elikude, na?Iminikelo yenu yokushiswa ayamukeleki,nemihlatshelo yenu ayimnandi kimi.” ²¹Ngalokho usho kanje uJehova, uthi:“Bheka, ngiyakubekela laba bantu izikhubekiso,oyise namadodana bakhubeke kanyekanye kuzo,umakhelwane abhubhe kanye nomngane wakhe.” ²² Usho kanje uJehova, uthi:“Bheka, kuvela abantu ezweni elisenyakatho;isizwe esikhulu siyakuvuswa ekugcineni komhlaba. ²³Babamba umnsalo nomkhonto;banonya, abanamusa,izwi labo liduma njengolwandle,bakhwele amahhashi,behleliwe njengabantu abayakulwa,behlelelwe ukulwa nawe ndodakazi yaseSiyoni.” ²⁴ Sizwile imibiko yalokho:izandla zethu ziyadangala;usizi lusibambile,imihelo njengeyobelethayo.