18 Het jy enigsins ’n idee hoe groot die aarde is? Sê vir My as jy dit alles weet!
19 “Weet jy waar die lig vandaan kom? Ken jy die blyplek van die donker?
20 As jy dit weet, sal jy hulle mos daarheen kan terugvat.
21 Maar natuurlik weet jy dit. Jy was toe mos al gebore en jy leef mos al lank.
22 “Was jy al by die plekke waar die sneeu gebêre word? Het jy al die plekke gesien waar die hael opgegaar word?
23 Ek het dit daar reggehou vir tye wanneer daar moeilikheid en oorlog sal wees.
24 Hoe kom ’n mens by die plek uit waar die son opkom? Waar begin die oostewind oor die aarde waai?