1 In die dae van Dawid was daar ’n hongersnood vir drie jaar lank; jaar ná jaar het Dawid die Teenwoordigheid van יהוה gesoek en יהוה het gesê: “Dit is vir Sha’ul en sy bebloede huis omdat hy die Giv’oniete doodgemaak het.”Y’ho 9
2 Die koning het die Giv’oniete geroep en met hulle gepraat. Die Giv’oniete was nie van die seuns van Yisra’el nie, maar van die oorblyfsel van die Emoriete en die seuns van Yisra’el het ’n verbond met hulle gesluit, maar Sha’ul het probeer om hulle dood te maak in sy ywer vir die seuns van Yisra’el en Y’hudah.
3 So het Dawid aan die Giv’oniete gesê: “Wat moet ek vir julle doen en waarmee moet ek toedekking doen dat julle die erfenis van יהוה kan seën?”
4 Toe sê die Giv’oniete vir hom: “Dit is nie silwer en goud wat die huis van Sha’ul ons skuld nie en dit is ook nie ons begeerte om enige iemand in Yisra’el dood te maak nie.” Hy sê: “Ek sal vir julle doen wat julle ook al sê?”