Markos

³¹Jesusek esan zien: «Zatozte zuek bakarrik leku gorde batera, eta hartu atseden pixka bat».Asko baitziren joan-etorri zebiltzanak, eta ez zuten jateko astirik ere. ³²Orduan, bazter batera joan ziren, beraiek bakarrik, txalupaz. ³³Baina jende askok ikusi zituen alde egiten, eta nora zihoazen igarri ere bai, eta herri guztietatik leku hartara jo zuten lasterka, haiei aurrea hartuz. ³⁴Txalupatik jaitsi zenean, jendetza handia ikusi zuen Jesusek. Errukitu egin zitzaien, artzain gabeko ardiak bezala baitzebiltzan, eta irakasten hasi zitzaien luze eta zabal. ³⁵Berandutu zuelarik, ikasleek hurbildu eta esan zioten:—Toki hau oso urruti dago eta berandu da. ³⁶Bidal itzazu, inguruko baserri eta auzoetara joan eta jatekoa eros dezaten. ³⁷Jesusek erantzun zien:—Eman zeuek jaten.Haiek, orduan:—Berrehun denarioren ogia erostera joango ote gara, bada, hauei jaten emateko?