165 Be fiadanana izay tia ny lalànao, Ary tsy misy mahatafintohina azy.
166 Miandry ny famonjenao aho, Jehovah ô, Ka mankatò ny didinao.
167 Mitandrina ny teni-vavolombelonao ny fanahiko, Ka tiako indrindra izy.
168 Mitandrina ny didinao sy ny teni-vavolombelonao aho; Fa ny lalan-kalehako rehetra dia eo anatrehanao.
169 Aoka anie ho tonga eo anatrehanao ny fitarainako, Jehovah ô; Ampianaro aho araka ny teninao.
170 Aoka anie ho tonga eo anatrehanao ny fifonako; Vonjeo aho araka ny teninao.
171 Aoka hiboiboika fiderana ny molotro, Fa ampianarinao ahy ny didinao.