44 ထိုသို့မောရှေနှင့် အာရုန်အစရှိသောဣသရေလအမျိုး၌ အဆွေအမျိုးသူကြီးဖြစ်သော မင်းဆယ်နှစ်ပါးတို့သည်
45 ဣသရေလအမျိုးသားအပေါင်းတို့ကို အဆွေအမျိုးအလိုက်ရေတွက်၍ စာရင်းယူသည်အတိုင်း၊
46 အသက်နှစ်ဆယ်လွန်၍ စစ်တိုက်နိုင်သောလူပေါင်းကား ခြောက်သိန်းသုံးထောင်ငါးရာငါးဆယ်ရှိသတည်း။
47 လေဝိသားတို့သည်၊ ဘိုးဘအမျိုးအလိုက် စာရင်းမဝင်ရသည်အမှုမှာ၊
48 ထာဝရဘုရားသည် မောရှေအားမိန့်တော်မူသည်ကား
49 လေဝိသားတို့ကို၊ ဣသရေလအမျိုးသားတို့နှင့် ရောနှော၍မရေတွက်ရ။ စာရင်းထဲ၌မသွင်းရ။
50 လေဝိသားတို့အား သက်သေခံချက်တဲတော်ကို၎င်း၊ တဲတော်တန်ဆာ ရှိသမျှကို၎င်း၊ တဲတော်နှင့်ဆိုင်သမျှတို့ကို၎င်းအပ်၍၊ သူတို့သည် တဲတော်နှင် တဲတော်တန်ဆာအလုံးစုံကို ဆောင်ရွက်ကြရမည်။ တဲတော်မှုကိုလည်း ထမ်းရကြမည်။ တပ်ချသောအခါ တဲတော်ပတ်လည်၌ မိမိတို့နေရာချရကြမည်။